بصراحة الواحد أول ما بيسمع الرؤية ويعرف ان رمضان خلاص بكرة بيشعر بطمأنينة في قلبه، وبيحس ان الناس كلها بترجع لربنا، في ليلة أول يوم رمضان، الـ صابح هيكون أول يوم صيام، قلت أعمل نفسي ناصح واصلي التراويح بعد عشاء يوم الثلاثاء علشان مش كل الناس عارفها ان اليوم ده في تراويح، تخيلوا اني صليت آخر واحد بعد آخر صف في الشارع، مش في المسجد، قلت سبحانك يارب وربنا يهدي، المهم خلصت صلاة التراويح وبعدين اتمشيت في شارع عرابي اسمع أغنية رمضان جانا لعبد المطلب الرائعة، وشكل الكنافة والقطايف، والفوانيس، بس بصراحة صعقت لما شوفت أسعار الفوانيس أيشي بسبعين وستين، وفوانيس ديك منفوش ومش عارف فانوس أيه، قلت فين أيام فانوس الشمع الـ ابويا كان بيجبهولي بالعافية وكنت بحتفظ به فوق الدولاب علشان كل رمضان أنزله وأجدد له الشمعة واحتفل مع عيال الشارع بقدوم الشهر المبارك.
أيه بقولكم أيه ما تيجوا تسمعوا معايا عبد المطلب
أيه بقولكم أيه ما تيجوا تسمعوا معايا عبد المطلب
كل سنة وانتم طيبين ورمضان كريم
ردحذفنسأل الله سبحانه وتعالى أن يعيننا على حسن تعمير أوقاته الشريفة بطاعته وأن نخرج منه كما ولدتنا أمهاتنا
ردحذفرغم أني أول ليلة من رمضان صليت خلف الشيخ ناصر القطامي بالرياض وصبيحة أول يوم من رمضان شددت الرحال إلى مكة لأداء عمرة رمضان التي تعدل حجة مع النبي صلى الله عليه وسلم إلا أني مازلت أفتقد رمضان فى مصر ... رمضان فى مصر ليه طعم تاني..
ردحذفاللهم أعدنا إليها على خير متزودين بالعلم والإيمان والعزة والإسلام متسلحين بأسلحة الحب والإخاء وقوة العقيدة وسواعد قوية فتية تحمل هم دعوة الإسلام وترفع راية الدين فوق قمم الجبال
علي عاطف